0

Қалалық «Алау» әскери - спорттық ойыны

Ақтау қалалық білім бөлімі мен білім үйлестіру орталығының жұмыс жоспарын негізінде, 2018 жылдың 14-15 мамыр аралығында Ақтау қаласының № 9 орта мектеп базасында жалпы білім беретін орта мектеп оқушылары арасында қалалық «Алау» әскери- спорттық ойыны өткіледі.

Мақсаты: әскери-патриоттық тәрбие жұмыстарын жандандыру, оқушылардың елжандылық сезімдерін қалыптастыру, әскери және еңбек дәстүрлерін жалғастыруды қалыптастыру.

Ойынға қалалық жалпы білім беретін орта мектептерінің 7-8 сыныптарынан 9 оқушы (2004-2005 жылы туылған 7 ұл, 6 қыз) қатысады.

Ақтау қаласы мектептерінің оқушылары арасында «Алау» әскери – спорттық ойынын өткізу ережесі 

1. Жалпы ережелер

1.1. Осы ереже қалалық «Алау» әскери- спорттық ойынының (бұдан әрі ойын)мақсатын, міндеттерін және өткізу тәртібін анықтайды.

1.2. Ойынның мақсаты: өскелең ұрпаққа қазақстандық патриотизм рухында тәрбиелеу және олардың азаматтық сана-сезімін қалыптастыру.

1.3. Ойынның міндеттері:

- ойын әрекеті негізінде оқушылардың бастамшылдығын және дербестігін дамыту;

- салауатты өмір салтын қалыптастыру, қолданбалы спорт түрлерін насихаттау;

- қалада өскелең ұрпақты патриоттыққа тәрбиелеу бойынша жұмыстарды жетілдіру.

2. Ойынның өту тәртібі

2.1. 2018 жылы 14 мамыр күні сағат 14.00-де мандаттық комиссия отырысы, №9 орта мектеп базасы.

2.2. Қалалық «Алау» әскери- спорттық ойыны 2018 жылы 15 мамыр күні сағат 10.00-де Ақтау қаласының № 9 орта мектеп базасында өтеді.

3. Ойынға қатысу талаптары

3.1. Ойынға жалпы білім беретін орта мектеп оқушылары қатысады.

3.2. Команда құрамында тек 7-8 сыныптан 9 оқушы (2003-2004 жылы туылған 7 ұл, 6 қыз), 1 жетекші.  

3.3. Ойынға қатысушылардың денсаулығы мен өмірінің қауіпсіздігі үшін жауапкершілік команда жетекшілеріне жүктеледі.  

3.4. Ойынға қатысушыларда болуы тиіс:

- туу туралы куәлігінің көшірмесі;

- оқу орнынан суреті бар және білім мекемесінің мөрі басылған анықтама;

- емдеуші дәрігердің қолымен және мөрімен бекітілген дене жүктемелеріне рұқсат берілген денсаулық жағдайы туралы анықтама;  

- парадтық киім үлгісі: салтанатты (сол жөнінде эмблема мен ерекшілік белгісі бар) далалық және спорттық форма.

3.5. Әрбір команда мектебінің аты жазылған (өлшемі: 65х35) тақтайша алып келуі тиіс.

3.6. Ойынға қатысуға өтініш 2018 жылдың 10 мамырға дейін Ақтау калалық білім үйлестіру орталығына түсіру тапсырылады. Сонымен қатар мектебінде жоспар бойынша өткізілген «Алау» атты іс-шара- бейнероликтер, фотоальбомдар міндетті түрде қазылар алқасына тапсырылады.

4. Ойынды өткізу шарттары

4.1. Саптық байқау. Команданың барлық мүшелері қатысады. Сыртқы пішіні, бөлімше құрамында бір орында тұрып саптық әдістерінің орындалуы және қарусыз қозғалыста саптық қадаммен орындап өтуі тексеріледі. Команданы тұрғызып саптық элементтерді орындатады. Саптан шығу, орнына барып тұру, қозғалыста бұрылу т.б. с.с. Төрешілералқасы команданы 5 баллдық жүйемен бағалайды. Бұйрық мемлекеттік тілде берілуі міндетті. Берілетін уақыты: 7 минут.  

4.2. Оқпанаға дәл түсіру (қол граната). Бұл жерде барлық команда мүшелері қатысады. Ер балалар үшін 700 гр қол гранатасы (+6 метр) қолданылады. Қыз балалар үшін 500 гр (+12 метр) қол гранатасы қолданылады. Оқпананың өлшемі: 5х2.

4.3. Атысқа дайындық. 1 ұл, 1 қыз қатысады.

Жаттығудың шарттары: нысана №8, нысанаға дейінгі арақашықтық - 10 метр. Пневматикалық винтовкадан тізерлеп отврып ату. Сынап көру – 3 оқ. Есепке алуға – 5 оқ.

4.4. Біріктірілген эстафета 2 кезеңнен тұрады. Ер балалар гр (7 бала) турникте тартылады, қыз балалар ( 2 қыз) бүріліп жаттығу жасайды. Командалар арасындағы біріншілік тартылу санына қарап анықталады.

4.5. Қашықтыққа жүгіру 1 бала, 1 қыз. Ер бала 2000 метр - уақытқа, ал  қыз бала 1000 метр жүгіреді -уақытқа.

5. Марапаттау

5.1. Ойын қорытындысы бойынша командалық жарыстар бойынша I, II, III жүлделі орын дипломдары,сыйлықтармен марапатталады.

5.2. Жеке жарыстар бойынша I, II, III жүлделі орын дипломдарымен марапатталады.

6. Қаржыландыру

6.1. Ойынды ұйымдастырып өткізуге, марапаттуға қажетті қаржы шығындарын Ақтау қалалық білім үйлестіру орталығы қамтамасыз етеді.