«Гитара ғажайыптары - 2023» гитаралы әндердің республикалық байқауының қалалық кезеңі

     Ағымдағы жылдың 13 наурызы күні білім алушылардың музыкалық-поэтикалық мәдениетінің бірегей құбылысы ретінде балалар мен жастар арасында авторлық және гитарамен ән айтуды дамыту және насихаттау мақсатында «Гитара ғажайыптары - 2023» гитаралы әндердің республикалық байқауының қалалық кезеңі Н.Оңдасынов атындағы № 5 жалпы білім беретін  мектеп базасында өткізілді.

     Байқау ережеге сай «Гитарамен ән орындау» (әр түрлі жанрдағы әндер), «Бардтық және туристік әндерді орындау», «Ансамбль (вокалдық дуэт, трио, квартет және т.б. гитаралық аккомпанементпен), «Авторлық (баспа түрінде мәтінді ұсынумен өзі шығарған әндерді орындау)» және «Гитара (орындаушы кез-келген стильде 1 гитара туындысын ұсынады; классикалық, фингертайл, фламенко және т. б.) номинациялары бойынша ұйымдастырылып, байқауға қосымша білім беру және жалпы білім беру ұйымдарының 13 білім алушылары қатысты.

     Жас гитаристер «Гитарамен ән орындау» мен «Гитара» бағыттары арқылы музыканың мәдени-шығармашылық деңгейін жоғары және өте әсерлі орындауларымен сахнада өз өнерлерін көрсетіп, дәріптеді.

Қазылар алқасының қорытындысына сәйкес байқау жүлдегерлері марапатталады.

«Гитарамен ән орындау» номинациясы бойынша:

І орын - №14 жалпы білім беретін  мектеп оқушысы Мұңалқожа Түгелбай Мейрамұлы;

ІІ орын - №17 жалпы білім беретін мектеп оқушысы Мусаев Нұрсұлтан;

ІІІ орын - №13  гимназиясының оқушылары Сырлыхан Есембет пен Исламберді Алмас;

ІІІ орын – Н.Оңдасынов атындағы №5 жалпы білім беретін мектеп оқушысы Салимов Эльдар;

«Гитара» номинациясы бойынша:

І орын - №17 жалпы білім беретін мектеп оқушысы Мусаев Нұрсұлтан;

ІІ орын – А.Тарақұлы атындағы «Өнер» мектебінің оқушысы Наурызбекұлы Ерасыл;

ІІІ орын - А.Тарақұлы атындағы «Өнер» мектебінің оқушысы Айдарханов Муслим;

ІІІ орын - № 11 лицейінің оқушылары Ауданбай Данайым мен Құлыбекұлы Алтайберіш;

Сонымен қатар жеңіліспен жеңіс қатар жүретін додада сынға түсіп, өз білімдері мен біліктіліктерін көрсете білген жетекшілерімізбен оқушыларымызға рақмет айтамыз және республикалық кезеңге жолдама алған қатысушыларымызға сәттілік тілейміз.

Қ Ұ Т Т Ы Қ Т А Й М Ы З