ҚР Тәуелсіздігінің 30 жылдығы аясында Ақтау қаласы бойынша білім бөлімінің іс – шаралар жоспарына сәйкес мемлекеттік “Дарын” сыйлығының, “Құрмет” орденінің, халықаралық “Алаш” сыйлығының , «30 жыл – 30 есім» сыйлығының иегері, ақын Светқали Нұржанмен “Ұлылардан жеткен ұлағат” атты кездесу кеші өткізілді.

Маңғыстаудың дарынды дарабоз ақынымен кездесу кешінің шымылдығы «Ұшады Маңғыстаудан шағалалар» әнімен ашылып, ақын ағамыздың шығармашылығына, еңбек жолына тоқталды. Шара аясында Маңғыстау өлкесінің танымал әншілері Жоламан Көшкінов, Тұржанова Назира, Есенбай Құли, Айгүл Құбаштың орындауындағы әсем әндер тыңдалды.

Кездесуге қатысушылар дарынды тұлғамен еркін форматта сұхбаттасып, көкейдегі сұрақтарына жауап алумен қатар, рухани өсу мен шығармашылық шабыт алды десек болады.

Өлкеміздегі халықтың ыстық ықыласына бөленіп жүрген қаламгерлеріміздің өрнегі мол жырларын оқуға насихаттау, олардың өнегелі өмір жолдарын өскелең ұрпаққа өнеге тұтып, жастардың кітап оқуға құлшынысын, еліне, жеріне деген сүйіспеншіліктерін арттыру мақсатында ұйымдастырылған шара өте жоғары деңгейде өтті.

Кеш соңында ақын барлық мектепке өз қолтаңбасымен "Таң қауызын жарғанда" деп аталатын үш томдық өлеңдер жинағын тарту етті.