0

ХАБАРЛАНДЫРУ!!!

Маңғыстауда «Жасыл ел» еңбек жасағында жұмыс істеуге өтінім 15 мамырда басталады

Өңірімізде «Жасыл ел» еңбек жасағында жұмыс істеуге өтінім беру 15 мамырда басталады, деп хабарлайды Қоғамдық коммуникация орталығы.

«Жасыл ел» еңбек жасағы аясында жастар қоршаған ортаны абаттандыру, көгалдандыру және тазалық жұмыстары бойынша ақылы түрде қызмет атқарады.

Бағдарламаға 14 – 35 жас аралығындағы өңір жастары қатыса алады.

Құжат тапсырушылардың арасында ең бірінші әлеуметтік мәртебесі (көп балалы, аз қамтылған, толық емес және т.б.) бар отбасының балаларына басымдық беріледі.

Қажетті құжаттар тізімі:

• Өтінім;

• Жеке куәлік немесе туу туралы куәлік – 5 дана;

• Денсаулық жағдайы туралы анықтама (№027 форма);

• Ата – анасының жеке куәлігінің көшірмесі;

• Оқу орнынан анықтама;

• 20 таңбалы шот нөмірі – 2 дана;

• Әлеуметтік мәртебесін анықтайтын анықтама;

• 3*4 фото сурет – 2 дана;

• Еңбек шарты.

Жастардың жалақысы Қазақстан Республикасының заңнамасына сәйкес ең төменгі жалақы 85 000 теңге көлемінде есептелінеді.

Жастар бағдарлама аясында бөлініске сай (әр аудан/қалада әр түрлі) 2 немесе 3 маусымға бөлініп қызмет атқарады.

Қызмет уақытында жастар бағдарламаға арналған арнайы киімдер (футболка, бейсболка, қолғап) мен құрал – жабдықтармен қамтылады.

Одан бөлек, жазғы демалыс уақытында ЖРО ұйымдастыруымен «Жасыл ел» жасағының жастарына оқыту шаралары, кездесулер, мәдени және спорттық шаралар ұйымдастырылады.

Құжаттар келесі мекен – жай бойынша қабылданады:

1) Ақтау қаласы, 6 шағын аудан, «Жастар үйі» ғимараты, 5 кабинет;

2024 жылға аталған бағдарламаны жүзеге асыру үшін жергілікті бюджет есебінен 256,8 млн. теңге қаражат бөлінді. Жоба аясында 2888 жасты жұмыспен қамту жоспарланып отыр.